ازيكم كلكم انا انهارده جبت لكم طريقة الكروكمبوش ودى حاجه حلوة اوى وبتتعمل بعجينة الشو سهله جدا جدا
ياللا على المقادير والطريقة
المقادير :
1 كوب ماء
1\4 معلقة صغيرة ملح
1 معلقه كبيرة سكر
1\4 كوب زبده
1\4 كوب زيت ذرة
1 كوب دقيق
4 بيضه
فانيليا
الطريقة :
نضع فى القدر او الحله الماء ، والسكر ، الزبده ، الزيت نسخن الى ان يغلى نضيف الدقيق ونقلب بمعلقه خشبية الى ان يصبح عجينة متماسكة وناعمة نطفى النار ونتركها تبرد قليلا
ننقل العجينة الى وعاء الخلاط ونضيف البيض بيضة بيضة ونضرب بعد كل واحدة الى ان تصبح العجينة لماعه ونضيف الفانيليا .
وبعد ذلك بالمعلقه نضع فى صينية مدهونة بالسمن والدقيق وفى فرن حرارته 200 ْ لمدة 20 الى 25 دقيقة الى ان تنتفخ الكرات وتصبح جافه وبنية ندعها تبرد ثم نحشوها بالكاستر او الكريم شانتى انا هنا حشيت كريم شانتى فعلا بموت فيه وبعدين نعمل كراميل ونرش على وشها او شوكولاته مذابه فى حمام مائى زى ما انا عملت هنا
وبس الف هنا وشفا